Lindarmótið 2015

Leiknar verða 18 holur eftir Texas Scramble kerfi (2 manna) með fullri forgjöf. Reiknuð er samanlögð leikforgjöf beggja kylfinga og svo deilt í samanlagða forgjöf með 5. Sé útreiknuð forgjöf hærri en forgjöf annars hvors kylfings gildir forgjöf viðkomandi kylfings.

Athugið að það verður að skrá tvær kennitölur inn í einu og báðar verða að vera aðilar að golfklúbbi eða með viðurkennda forgjöf. Annars þarf að senda inn þátttöku á dalbui@dalbui.is

Félagar og velunnarar eru hvattir til að skrá sig tímanlega í mótið á www.golf.is eða í golfskálanum í Miðdal. Við skráningu í mótið eru keppendur beðnir að skrá sig á rástíma til að raða niður í keppnishópa (rástíminn gildir þó ekki). ATH: Mótið hefst kl. 11:00.

Keppendur skulu vera mættir kl. 10:15, og ræst verður út af öllum teigum samtímis kl. 11:00. - Frekari upplýsingar og fréttir af mótinu verður að finna á www.dalbui.is; þar verða einnig birtar frekari fregnir um lokahófið, þegar nær dregur.

Munið að taka fram við upphaf móts hvort ætlunin er að vera í matnum á Veitingahúsinu Lindinni Laugarvatni eða senda póst á dalbui@dalbui.is

Veitt verða tvenn verðlaun fyrir:

1.sæti
2 sæti 
3 sæti

Í verðlaun eru gæðavín frá Mecca Vines and Spirits 

Eins eru veitt verðlaun fyrir þann sem er næstur holu á 5/14 og 8/17 og lengsta drive karla og kvenna.

Matseðillinn á Lindinni:

Villibráðarforréttur Lindarinnar
Villibráðartvenna 
Frönsk súkkulaðikaka

Matur á Lindinni 4690.- kr.
Þátttökugjald í mótinu 3.000 kr.

Sjáumst hress á laugardaginn, veðurspáin er góð og því tilvalið að skella sér á Laugarvatn og spila golf og svo fara í gufu á FONTANA og eiga góðan kvöldverð á Lindinni í hópi góðra vina.

Takk fyrir sumarið kæru Dalbúar og allir velunnarar okkar!