Lindarmótið 2013

Lindarmótið 14. september 2013!

Lindarmótið er síðasta mót sumarsins hjá golfklúbbnum Dalbúa, en veitingahúsið Lindin á Laugarvatni stendur að mótinu með klúbbnum. 

Leiknar verða 18 holur eftir Texas Scramble kerfi (2 manna) með fullri forgjöf. Reiknuð er samanlögð leikforgjöf beggja kylfinga og svo deilt í samanlagða forgjöf með 5. Sé útreiknuð forgjöf hærri en forgjöf annars hvors kylfings gildir forgjöf viðkomandi kylfings.

Á eftir ætlum við svo að hittast að venju á veitingahúsinu Lindinni á Laugarvatni kl. 18:30 og eiga góða kvöldskemmtun saman þar sem verðlaunaafhending fer fram.

Hvetjum alla til að skrá sig sem fyrst.

Matseðillinn um kvöldið er girnilegur að vanda hjá Baldri á Lindinni:

• Villibráð – brot af því besta - Villibráðasmakk í boði Lindarinnar
• Bleikjuhumarsúpa með Þingvallarbleikju og heimabökuðu brauði
• Grillsteikt Lambainnralæri og grillaður humar "Surf & Turf"
• Súkkalaðifrauð Lindarinnar með hindberjasósu, vatnsmelónu og hvítri súkkalaðifroðu

Verð fyrir matinn er:  5.500 kr.

Mótsgjald er 3.500 kr.

Mæting á Lindinni um kl. 18:30

Glæsilegir vinningar í boði, meðal annars eðalvín og gjafabréf í boði Lindarinnar

Félagar og velunnarar eru hvattir til að skrá sig tímanlega í mótið á www.golf.is eða í golfskálanum í Miðdal eða með því að senda tölvupóst á dalbui@dalbui.is. Við skráningu í mótið eru keppendur beðnir að skrá sig á rástíma til að raða niður í keppnishópa (rástíminn gildir þó ekki). ATH: Mótið hefst kl. 11:00. Keppendur skulu vera mættir kl. 10:15, og ræst verður út af öllum teigum samtímis kl. 11:00.

Minnum á að mæting á lokahóf klúbbsins á Lindinni er kl. 18:30 (breyttur tími frá áður auglýstum tíma)

Nú þegar eru margir búnir að skrá sig og virðist stefna í afar skemmtilegt haustmót.

Sjáumst hress um helgina.

Mótanefnd